Coconut Pandan Layer Cake

သဘာဝဆွမ်းမွှေးရနံ့သင်းသင်းလေးနဲ့ အုန်းနို့ရဲ့ မွှေးဆိမ့်တဲ့အရသာတို့ကို ပေါင်းစပ်ထားတဲ့ Coconut Pandan Layer Cake (အုန်းနို့ဆွမ်းမွှေး အလွှာကိတ်လေး) ကို အိမ်မှာ ပြုလုပ်ဖို့ အဆင့်ဆင့်ကို ပြောပြသွားမှာဖြစ်ပါတယ်။

အပေါ်ယံအလွှာက ဆွမ်းမွှေးကျောက်ကျောအနှစ် (Pandan Pudding Layer) နဲ့ အောက်ခံ Chiffon ကိတ်သားအိအိလေးတို့ရဲ့ လိုက်ဖက်ညီမှုကို ပြုလုပ်နိုင်ဖို့ ပြုလုပ်ပုံ အဆင့်ဆင့် လေးကို မျှဝေပေးလိုက်ပါတယ်ခင်ဗျာ။

လိုအပ်သော ပါဝင်ပစ္စည်းများ

အောက်ခံ Chiffon ကိတ်သား (၈ လက်မ အဝိုင်းမို) အတွက်

ကြက်ဥ (အကာ) – ၁၆၀ ဂရမ်
သကြား – ၇၀ ဂရမ်
တာတာမှုန့် (Cream of Tar Tar) – ၂ ဂရမ်
ဆား – အနည်းငယ်
ကြက်ဥ(အနှစ်) – ၈၀ ဂရမ်
Icing Sugar – ၃၀ ဂရမ်
ဟင်းရွက်ဆီ – ၃၅ ဂရမ်
အုန်းနို့ – ၃၅ မီလီလီတာ
ဗနီလာအနံ့ – ၃ ဂရမ်
ကိတ်ဂျုံမှုန့် (Cake Flour) – ၁၃၀ ဂရမ်

Egg White

Sugar

Cream of Tar Tar

Salt

Egg Yolk

Icing Sugar

Vegetable Oil

Coconut Milk

Vanilla Flavour

10.

Cake Flour

ပြုလုပ်နည်း အဆင့်ဆင့်

Step 1: ကြက်ဥအနှစ်ကို သကြား၊ ဆီ၊ အုန်းနို့၊ ဆားတို့နှင့် သမအောင် မွှေပေးပါ။ ပြီးနောက် ဂျုံမှုန့်ကို ဇကာချ၍ ထည့်ပြီး ခပ်ဖွဖွလေး နှံ့အောင်မွှေထားပေးပါ။

Step 2: ခွက်တစ်ခုတွင် ကြက်ဥအကာကို ခရင်မ် (Stiff Peaks) ဖြစ်လာသည်အထိ သကြားကို တဖြေးဖြေးထည့်ပြီး စက်ဖြင့် သေချာမွှေပေးပါ။

Step 3: ရလာတဲ့ ကြက်ဥအကာခရင်မ်များကို အနှစ်အိုးထဲသို့ ၃ ကြိမ်ခွဲထည့်ကာ ကိတ်သားလေပူဖောင်းများမပြိုစေရန် ညင်သာစွာ လှည့်ပတ်မွှေပေးပါ။

Step 4: ကိတ်ခွက်ထဲလောင်းထည့်ပြီး Oven တွင် 180°C ဖြင့် 40 မိနစ်ခန့်ဖုတ်ပေးပါ။ ကိတ်သားကျက်ပါက အအေးခံပြီး အလွှာလိုက် လှီးဖြတ်ထားပေးပါ။

အပေါ်ယံအလွှာ အုန်းနို့ဆွမ်းမွှေးအတွက်ကိုတော့

နို့ – ၁၅၀ မီလီလီတာ
Pandan Colour & Flavour – ၅ ဂရမ်
အုန်းနို့ – 250 ဂရမ်
သကြား – ၈၀ ဂရမ်
ကျောက်ကျောမှုန့် (Agar Powder) – ၁၅ ဂရမ်
ဆား – အနည်းငယ်

အုန်းနို့ဆွမ်းမွှေအနှစ် ကျိုနည်း (Coconut Pandan Layer)

Step 1: ဒယ်အိုးထဲတွင် ဆွမ်းမွှေးအရောင်အနံ့၊ နို့၊ အုန်းနို့၊ ကျောက်ကျောမှုန့်၊ သကြားနှင့် ဆားတို့ကို ရောသမမွှေပြီး အမှုန့်များလုံးဝပျော်ဝင်သွားအောင် အရင်ဖျော်ထားပါ။

Step 2: ထို့နောက် မီးအပူချိန်အသင့်တင့်ဖြင့် အိုးမကပ်စေရန် အောက်ခြေကနေ မပြတ်မွှေပေးပါ။ အနှစ်များ စေးပျစ်ပြီး ပွက်ပွက်ဆူလာလျှင် မီးပိတ်လိုက်ပါ။

Step 3: ဗန်းထဲတွင် ဆွမ်းမွှေးအနှစ် ပူပူနွေးနွေးကို တစ်လွှာ၊ Sponge ကိတ်သားတစ်လွှာစီတင်၍ အလွှာဆင့်ပေးပါ။ အပေါ်ဆုံးမှ အလွှာကို ညီညာစွာလောင်းထည့်ပြီး နောက်ဆုံးအဆင့်ကို ရေခဲသေတ္တာထဲတွင် အနည်းဆုံး ၂ နာရီ ခန့် ထည့်၍ အအေးခံပြီးမှ ထုတ်ယူလှီးဖြတ်ပါ။

ထို့နောက် အနံ့အရသာပြီးပြည့်စုံသော အုန်းနို့ဆွမ်းမွှေးအလွှာကိတ်မုန့်လေးကို စားသုံးလို့ရပါပြီခင်ဗျာ။

Coconut Pandan Layer Cake

More Recipes to Try

Coconut Pandan Layer Cake

Evaporated Milk Cake

Black Bean Moon Cake

Perfectly Baked Sweet Bread