CDSG ၏ ပထမဦးဆုံး စီးပွားရေးလုပ်ငန်းဖြစ်သော Diamond star သည် ၁၉၈၀ ခုနှစ်တွင် မန္တလေး၌ ၎င်း၏ပထမဆုံးဂျုံစေ့ကြိတ်ခွဲသည့်စက်ရုံကို တည်ထောင်ခဲ့ပြီး ဂျုံမှုန့်ထုတ်လုပ်ခြင်းနှင့် ဖြန့်ဖြူးခြင်းလုပ်ငန်းကို စတင်လုပ်ကိုင်ခဲ့ကာ တစ်နေ့လျှင် ၁ တန်သာ ထုတ်လုပ်နိုင်ခဲ့ရာမှ ယနေ့တွင် ရန်ကုန်နှင့် မန္တလေးရှိ စက်မှုဇုန်များတွင် တစ်ရက်လျှင် ၁,၁၆၀ တန် ထုတ်လုပ်နိုင်မှုရှိပြီး မြန်မာနိုင်ငံတွင် အကြီးဆုံးနှင့် ဈေးကွက်အခိုင်အမာဆုံးသော ဂျုံမှုန့်ထုတ်လုပ်ဖြန့်ဖြူးသည့်လုပ်ငန်းတစ်ခု ဖြစ်လာခဲ့သည်။

Diamond Star ကို စတင်တည်ထောင်သူများသည် CDSG ၏ အခြေခံအုတ်မြစ် စီးပွားရေးလုပ်ငန်းတစ်ခု ဖြစ်သော ဂျုံမှုန့်ထုတ်လုပ်ဖြန့်ဖြူးခြင်းလုပ်ငန်းကိုဈေးကွက်တွင် ဦးဆောင်နေသည့် လုပ်ငန်းတစ်ခုအဖြစ် တည်ဆောက်ရန် ဆယ်စုနှစ် လေးခုနီးပါး အချိန်ယူခဲ့ရပါသည်။

၂၀၁၅ ခုနှစ်မှစ၍ CDSG နှင့် Mitsubishi Corporation တို့ပူးပေါင်း၍ Lluvia Limited ("Lluvia") ကိုထူထောင်ခဲ့ပြီး ဂျုံမှုန့်ထုတ်လုပ်ဖြန့်ဖြူးခြင်းလုပ်ငန်းကို ဆက်လက်လုပ်ဆောင်ခဲ့သည်။ Lluvia သည် CDSG နှင့် Mitsubishi Corporation ၏ ကျွမ်းကျင်မှုနှင့် အတွေ့အကြုံများကို ထပ်မံအသုံးချပြီး မြန်မာနိုင်ငံတွင် ဂျုံမှုန့်ထုတ်လုပ်ဖြန့်ဖြူးခြင်း သာမက ယင်းနှင့်ဆက်စပ်သည့် အခြားစားသောက်ကုန်လုပ်ငန်းများတွင် ဦးဆောင်သည့်ကုမ္ပဏီ ဖြစ်လာရန် ရည်ရွယ်ထားသည်။

လက်ရှိတွင် Diamond Star နှင့် ဒုံးပျံအမှတ်တံဆိပ် ထုတ်ကုန်များသည် မြန်မာနိုင်ငံတွင် ၆၀% ကျော်သော ဈေးကွက်ခိုင်မာမှု ရရှိထားသည်။

Lluvia သည် မုန့်ဖုတ်ခြင်းနှင့်ဆက်စပ်ပစ္စည်းများ၊ မုန့်ဖုတ်ရာတွင်အသုံးပြုသောပါဝင်ပစ္စည်းများဖြစ်သည့် shortening, margarine, cake gel, flavors, yeasts တို့ကိုလည်း ဖြန့်ဖြူးပေးနေပြီး မုန့်ဖုတ်ဆိုင်များ၊ ခေါက်ဆွဲစက်ရုံများ၊ မုန့်စက်ရုံများ၊ ဟိုတယ် နှင့် စားသောက်ဆိုင် များ ထံသို့ ဖြန့်ဖြူးပေးလျှက်ရှိသည်။

Lluvia သည် ဂျုံမှုန့်သုံးစွဲသူ ဖောက်သည်များအတွက် ပိုမိုကောင်းမွန်မြန်ဆန်သောဝန်ဆောင်မှုများပေးနိုင်ရန် ရည်ရွယ်ပြီး အမျိုးမျိုးသော မုန့်ဖုတ်ပစ္စည်းများထောက်ပံ့မှုနှင့် နည်းပညာဆိုင်ရာ အကူအညီများ ပေးနိုင်ရန်လည်း ရည်ရွယ်ပါသည်။